قصيدة بين شاعرين

جبت لكم قصيدتين بين الشاعر سليمان الشريم
وشاعر صقر النصافي

ياصقر ياصقر النصافي بلاوي

بلوى بلتني لابلتك المصيبه

غديت مثل الي تنحا خلاوي

عن الرفاقه عقب مافاه طيبه

والاكما اللي فيه جرح مخاوي

ماظنتي ياصقر يبرا عطيبه

والله يالولا قولت الناس غاوي

واخاف من هيس ردى نصيبه

هماز لماز علومه ملاوي

تلقى هل المجلس تصفر بغيبه

لاجي كما المذهب وادوج خلاوي

واهذل هذيل الذيب واقنب قنيبه

على عشير مال جرحه مداوي

ياصقر داه دواه عوقه طبيبه

يابو مهلي يالزبون الجلاوي

يالريف اهل هجن خطاهن تعيبه

عجل ترى عشب المعاليق ذاوي

عله سحاب الغيث واخطى شعيبه

ابا تصبر مير مانيب قاوي

ياصقر جرح الحب ما ينهزي به

ياصقر عزم وجزم خل الهقاوي

قولت كذا والاكذا ما تجيبه

علمي بهم ياصقر قيضت مساوي

بالمنزل النازح بعيد قريبه

سميها في راس حيد قرواي

جذيبه تزمي براس الجذيبه

رد عليه صقر النصافي وقال

قال الذي يلعب بيوت نقاوي

يختار في نجر الفنون الغريبه

مماطرى له يوم سمع النخاوي

من واحد كنه بحام اللهيبه

يقول طاويني من الهم طاوي

ويقطع صحيب مايفازع صحيبه

امسيت ادوس الراى وارمق هقاوي

مابين فكر وهجس واريا صليبه

واصبحت من كثر التفاكير راوي

راى سديد صامل ينعدي به

وادنيت من لاقربوه الرواوي

ولاحطه الزراع يسنى قليبه

تسعين ليله بالنبات امتساوي

يقطف زماليق الزهر من خريبه

امتيهه يوم ان مانيب ناوي

واليوم يوم انه بدت حاجتي به

ياما طردنا الصيد عقب النخاوي

واقفا مع الريعان حام حطيبه

ان عاش راسي من جميع الشكاوي

وسلم القعود اللي يطرب نديبه

لاجيب خلك لو بهوش ولقاوى

الا ان قفاف العمار يغدي به

واسوق من مالي فلوس وحلاوي

وابدي له الجهده وهو من نصيبه

وقطعت من فوقه دروب ومضاوي

وحفته وجبته بدجا مادري به

هذ حق من يفضي علي الدعاوي

خلك نجيبه طيب والا غصيبه

وسلامتكم وإنشاء الله أعجبتكم

كوافيره الانتساب : 17/07/2009 المشاركات : 468

حلو الحوار بين الشاعرين

نعم اعجبتني والله ما قصرتي الله يعطك العافيه واختيار حلو

» مساجله بن شاعرين جميله جداً
» قصيدة شاب بنت عمه
» قصيدة عن قطـــر
» قصيدة محزنه قالها:بدر الغريب.
» قصيدة عن شيخنا[الشيخ حمد بن خليفة]