تجري بي الاقدار من دون مااختار

تجري بي الاقدار من دون مااختار

واصبر ولو بانت علي الهزيعه

ياما صبرت امرار وامرار

خايف على السر من الاعداء لا تذيعه

وش صار مدري مير صار الذي صار

عصرية (ن) مرت علينا فضيعه

قيله وقيل وقال واقبال وادبار

اموت واحيا بالرجى والقطيعه

واخذت لي ايام مارد الاخبار

هاك النهاروباكر ومن تبيعه

شفت الجمال اللي تجينا له اذكار

يدوقدوخدوعين (ن) وسيعه

اهل الوجوه الساطعه مثل الانوار

سبحان من صور جمال الطبيعه

ذولاالذي واجب يسمون الاقمار

الله يوصلنادرجه رفيعه

والناس كل(ن) ناقل(ن ) منهم اخبار

متخوفين من الوفاة السريعه

اصل المحبه تحرق القلب بالنار

والا تهى له سعادة بديعه

راعي الهوى عزام جبارصبار

يبرك لحمل نوبمايستطيعه

وارحم لمحبوبه من الوالد البار

لكن اليباعه حبيبه يبيعه