مدّيت له قلبي وروّح وخلاه

للحين وجهي منكسر في مراياه
للحين اذكر كيف ضقت وبكيته
قبل الحنين يجيب دمعي من اقصاه
اخذت دمعي في يديني وجيته
جيت المكان اللي شهد يوم فرقاه
معي كلام يموت بي ماحكيته
كني طفل راجع لحضنه ومربآه
يدوّر أمّه بين حيّه وميته
محروم إلا من جروحه وذكراه
فقير الا من شموخه وصيته
من يومها وأنا ادوّر على أشباه
ترد لي عمراً قضى ما إبتديته
يا كثر مافيني من الضيق والآه
اكثر من الحرمان لا من طريته
كثر العذاب اللي سكن في هداياه
كثر الأمل لا قلت بأني لقيته
رغم ( السنين ) اللي مضت أتحرّاه
عجزت أقول إني كبرت ونسيته
مدّيت له قلبي وروّح وخلاه
الظاهر إنه ما عرف وش عطيته

» بقلم قلبي حبيبي
» ماسمح قلبي
» الى قلبي حبيبي
» خذ هنا قلبي وخلف لي أساك
» قلبي صافياَ كنه الشاش