,,,,,,طالبه بالجامعه,,,,,,,,,
ياوداد افكار عقلي ضايعـــه ............... علـمـينـي منـيـن ابـدا يــا وداد
شاعرك يابنت روحه طالعه ............... من بعد ما هام شعره بكل واد
حتى لو بعض المعاني شايعه ........... الا ان الشعر له موسم حصاد
...مثل م انتي طالبه بالجامعه ........ .... وراجيه تبحر مراكبك الجداد
حتى انا ليا مراكب قابعه ................. تنتظر امواج شعري يا وداد
اذكرك واذكر سوالف رايعـــه .............. كل ما نسنس مع الغربي براد
لكن اسأل ليه عينك دامعه .............. وليه دايم عين غاد وعين غاد
ولا اشوفك غير وانتي راجعه .......... وحتى اخذك للمواضيع بحياد
نافعه او عاد منتي نافعه ................. كله بتدبير من رب العباد
قولي للي حفظ سرك طابعه ........... اسألك باللــــــــــه قولي يا وداد
ان محفظ اسرار قلبك تابعه .............. منهو اللي يحفظ الاسرار عاد
ادري انك تكرهين الجامعه ............... وادري انك حامله كل المواد
المهم م يقال عنّك مايعه ............... وانتي بنت اجواد واخوانك اجواد
او يقال البنت هذي فايعه ............... والشبيبه حولها كثر الجراد
ياوداد النور عينه واسعه ............... والبياض اكيد غير عن السواد
ويا وداد الورد يبهج زارعه ............... من بعد ما كدّره كثر السماد
ويا وداد الخيل تعسف يافعه ........... اسألي من حط رجله بالشداد
شاعرك يابنت شمسه ساطعه ....... ساطعه انوارها بكل البلاد
وكل شاعر بالشعر له دافعه ........... ولا يهمه ل استفاد او م استفاد
الرجل تكفيه روس اصابعه ............. حتى لو يومين له ما ذاق زاد
الثلاثاء 14 سبتمبر - 7:37 من طرف عبدالله العجمي 2020
موضوع: قصيده للشاعر فليح الجبور الصخري(طالبه بالجامعه) 
