حظي اللي كل ماقلت اعتدل

حظي اللي كل ماقلت اعتدل

حظي اللي كل ماقلت اعتدل
فيه كبوه مايبشر بالفلاح
كل ماحاولت انهض به فشل
مثل هرش ثاوي وسط الامراح
او كما ورع يخطى ماكمل
يقضبون ايديه وان هدوه طاح
والمعاذ الله عن فقد الامل
لو رسب نبي نتفاول بالنجاح
والقناعة كنز وافرللرجال
ومن يطالع رزق غيره مااستراح
اطرد الأوهام عنك والكسل
واعرف الدنيا من أولها كفاح
لا تقول بالأمس يضرب بي مثل
انت ابن اليوم واللي أمس راح
لا تخطي حرمة الناس وتزل
وكن على حقك أحد من السلاح
والمقل يذل لو إنه بطل
مايطير الطير إلا في جناح
والدراهم غطت عيوب الخبل
ارتفع صيته وهو مابه صلاح
زلته لو انها كبر الجبل
اشطبوها عنه في كل ارتياح
والرجال اللي لهم طيب وفضل
ذكرهم من مجتمعنا اليوم زاح
واضحة بصماتهم فوق السجل
يوم وقت السيف الارخم والرماح
جاهدوا لاجل الوطن جيش ورجل
بساعة حرجه يصيح بها الصياح
ذكرهم قام يتلاشى وارتحل
صار ماضينا ورا ذاك السناح
ول يا وقت التعاسه والدجل
مايعيش اللي يتعامل بالنصاح
جاز للي لا حيا ولا خجل
كل شي يستوي عنده مباح
والتكبر والغرور من الجهل
وغيبة الغافل هي الموت الذحاح
لا تعرض نفسك لدرب الوحل
وكن حذر واحرص على الدرب السماح
واجتمع بأهل التراحم والوصل
حيث رفقتهم تزيدك بانشراح
واستعين بخالقك عز وجل
الله مايعطي من ايدين شحاح
ثم صلى الله على اللي له نزل
عظمة القرآن ودون بالصفاح

اختيار في قمة الذوق
يسلم ذوقك اختي العزيزه

أخي صالح الصخري الله يسلمك وحياك الله

» وين أنت قبل اللي مضى من سنيني
» اللي يحب الورد يدخل
» اتردد للمكان اللي انت فيه
» اللي هتف باسماه قلبي وناداه
» جيت المكان اللي عرفت الغضي فيه