عينـي تراعـي كـل نجـم وتـــعــــــده

عينـي تراعـي كـل نجـم وتـــعــــــده

وصار السهر عندي مزاج وطبيعـة

القلـب هـــومـات الـــــمنـايـا تـشـده

ترسل عليه مـن السهـوم الهزيعـة

كنــي غــريــبٍ بيّـَـح الوقـت ســده

حملـه ثقيـل ولا قـدر يـسـتطــيـعـه

كلَّه من اللـي طـال هجـره وصـده

الـي نوانـي بالجـفـا والقطيــــعـه

صد وتغلَّـى مـا أعتـرف بالمــــوده

وأقفى به عناده وزيَّـن " صنيعـه "

حتَّى غـروره راهـي الحيـل هـــــــدّه

وضاقت عليه من الغـرور الوسيعـه

أحـاول أقطـع كـل عـرق ٍ يـــودّه

لو كانـت الفرقـا ! وفـاة ٍ شنيعـه

المشكلة ! لا جيت أبا أصيـر ضـدّه

وأقول هذا الشخـص لحـد ٍ يطيعـه

سلهمْ بهاك العيـن ، وأشّـر بيـدَّه

كنَّه يقول : اللـي هويتـه تبيعـه ؟

وضاعت علومي وأرتخت كـل شـدّه

وضعت ونسيت العزم وأصبحت أطيعه

وسبَّة ضياعي شامـة ٍ فـوق خـدَّه

لو شافها الكافر دخل فـي الشريعـة

وختامها : صبري وقف عنـد حـدَّه

وأقول حبَّه (( دائماً فـي الطليعـة ))

تسلمي نجمة الشوق ختيار رائع
والله يعطيك العافية دائم متميزه في طروحك
اعجبني هذا البيت
كنــي غــريــبٍ بيّـَـح الوقـت ســده

الله يسلمك وشاكره وجودك في متصفحي