يوم أمر واطالع دياره

يوم أمر واطالع دياره
واذكر ايامه ولياليها
واذكره في وقت مظهاره
يوم يمشي في اراضيها
يوم هو رايح جدى جاره
واجبات الجار يأديها
كالبدر لي شعت أنواره
نور الدنيا وما فيها
عقب ذاك الوقت وأسراره
والسعادة لي نحن فيها
ياحمد الأيام غدارة
فرقتنا عقب ماضيها
والدموع اتهل بغزاره
ما وقف من العين جاريها
والحبيب انقطعت اخباره
ما حصله من يوديها
ما بجيلي غير تذكاره
والهموم اللي اجاسيها
اه لو بيعود الى داره
عاد سعدي والهنا فيها
جان عندي ما من خساره
غاية القصد ومناويها
وللمبشر بعطي بشارة
لو اسوم الروح وأفديها
يعل يود السحب وامطاره
تسقي دياره ويرويها

الله يرحمه الشاعر علي بن رحمه