محدن على أيديك النواعم ضربها

محدن على أيديك النواعم ضربها *** ومنتب على كل الذي صار مغصوب

محدن تيقن بك ولاحـــدن حسبها *** تبي تسكتني الى قلــــــت مكتـوب

ما نعترض لكنك انت سببـــــــــها ** ممنوعك اللي تزعم الصار مرغـــوب

بصيرتك مدري وش اللي حجبـــها ** ضاقت بك دروبن وضيعتــــها دروب

النار في جسمي توهج لهبــــــها ** خطرن علي اعضام جسمي لها تذوب

كاسات مرك قلبي اللي شربــــ ها ** ما اعتدت اذوق المر من يد محبـــوب

مدري وش اللي في حياتك قلبـــها ** تبي الصراحة انت قتال القلـــــــوب

فاتت وأشوف انه تزايد كربـــــــها ** عسى الفرج ياتي وينحل مكـــروب

ما غيرك احدن تل روحي وجلبـــها ** ثم بعتها برخيص من غير متعـــــوب

في سوق حبك لين رسخ نصبـــــها ** وتركتني حياً مع الناس مصلـــــوب

ودفنت روحك يوم ورق شببــــــها ** واصبحت وحدك وانت دوم بي مصحوب

أسرجت خيلي ثم غيري ركبـــــها *** خيالها ماله على الخيل من صـــــوب

طارت بها ريح العواتي هببها *** في ليلة لا سلم فيها ولا حــــــــروب

أخترت من سو الخلايق عربـها  * دامك تخيرته فانا منك مسحـــوب

نفساً حرمها الله ونفساً وهبـها * هذا له طلابه وهذاك مطـوب

الا جروحي زاد فيها عطبــها  * بغيت انا الفكة وعودت منــوب

الياس فيني هز نفسي وغلبـها *** وانا اللي معلق بقلبة ومقلوب

نفسي ولو عافت قدرها غصبــــها *** ترضى بواقعها ولو كــــــان مزروب

غنيت ليله كل حزني طرـها *** مرات اهيجنها ومرات مسحــوب

جمعت في نبرات صوتي عتبـها *** وعن غلطتي استسمح اليوم واتـوب

ضوي طفت عقبك ورمد حطبـها *** حرام عقبك لا ولا عود مشبــــــــوب

حتى معاميلي على الجال كبـــــها *** جنبت خلق الله كما حال مجــــــروب

حالي بك اصلح حال واجمل وابـــها *** حالي بدونك من عوافيه منهـــــوب

صدك خطف ضحكات عيني وسلبـها *** والا ترى وصلك يرد الفرح نــــــوب

محدن على أيديك النواعم ضربــــها *** ومنتب على كل الذي صار مغصوب

محدن تيقن بك ولاحدن حسبـها *** تبي تسكتني الى قلت مكتـــــوب

طرح جمييل