قضى الديان دينه من غريمه

على وامن غدى قلبه بهيمـه
ومن ضيع دليله فـي عيايـه
ومن صابه من التشكيل سيمه
ومن يمشي ولا عنـده هدايـه
وفي كبده وزت غـدة وريمـه
وشبت في حشا روحه ورايـه
يحق لمن تمرجل فـي بهيمـه
وفي دار الخراب أعلق سرايـه
ومن غره جهـام لاح غيمـه
ومن غره سراب فـي زرايـه
ومن حط الرخم عنـده نديمـه
ومن ربـى لمقناصـه ديايـه
ومن حط الغراب أيضا قديمـه
وحط التيس يسرح في نعايـه
ومن شاور بحاجاتـه رجيمـه
هداه ابليس الى درب الغوايـه
يلوم النفس لى حلـت نقيمـه
ويشمت لى وزت بصره ورايه
ويبصر لا يقـول لكـل أليمـه
وهـو فعالهـا ويـلاه وايـه
تنبه لا تحسـب السيـل ديمـه
الى وين انت في درب العمايـه
وفي طاعـات نقـال النميمـه
وراعي القرض عندك في قفايه
ومن ضيع جداه وظـل ديمـه
ومن علمه بهتك العرض فايه
وفعـا ل العليمـات الذميمـه
شبيه البوم كم خـرب ولايـه
وكم مـن دار خلاهـا هديمـه
وكم من نقلة صـارت حكايـه
وسايل عنه من يدري بخيمـه
وتلقى العيب في ذيـل العبايـه
ظميمه سوء جعل أمحق ظميمه
وسبة شر جامـع كـل سايـه
ألا يـا مـن تقفانـي اتهيمـه
ترى لي منك من يأخذ قضايـه
تظن اشملتـك للنـون ميمـه
تنال الخيرمـن نقـل السعايـه
أبى الله ما تحصـد الا النديمـه
وعنـد الله مـا تفعـل توايـه
رماك الله في حلـق الصتيمـه
أسـال الله مـن ذاك الحمايـه
وتلك وانشعك بأقوى صريمـه
وسهم الله ما يخطـي رمايـه
صوابه ما يطيب أعيى حكيمـه
ولو لقمان ما يـدرك علايـه
ولا فادت بمصروعه عزيمـه
ولا تنفـع بملدوغـه قـرايـه
ألا يا قلـب لا تـازي لزيمـه
ملوقه منه ما تصـدق روايـه
تنزح عن ردي الـذات شيمـه
وباب السر أولى لـك سنايـه
تعيظك فيـه كالقنديـل ريمـه
فتـاة كنهـا شمـس المرايـه
لها خـد كمـا بـراق غيمـه
عيون من الحيا فيهن غضايـه
ومجدول كمـا ظلمـا بهيمـه
وهلة قصتـه تضـرب حيايـه
وطرة مبسمه تنعـش نسيمـه
وبيض كا لبرد فيهـن دوايـه
ومن عنقه الى ماقف بريمـه
طلاه النور من مـاي القنايـه
ومن ردفه شكا ساقه هضيمه
ويهزعها الـى قامـت لحايـه
والى من سولفت مثل اليتيمـه
بقول يسبي العاشـق سبايـه
تراها لا نشـاش ولا لحيمـه
على ما رمت يا المخلوق غايه
دوا من بالهوى نفسه سقيمـه
وطبة علتـه مـن كـل ذايـه
بها المفتون ما يذكر جحيمـه
يظـل مسـودن مقلوبتـايـه
على حسن الطبايع مستقيمـه
حمـاه الله مـن درب العوايـه
تشابه مـن محبتهـا القديمـه
أراها بايتـه داخـل اعضايـه
ولا تنزاح لو صـارت رميمـه
هشيم في المقابر مـن بطايـه
تحن عظامتي كـا لمستهينـه
وتبكي كلمـا سمعـت بكايـه
وكبدي ما تهنت فـي وليمـه
وتظما في هواها مـن ظمايـه
لطاريها ترى قلبـي حشيمـه
يفز ويندفق مـا عـون مايـه
بليـت بحبهـا طفـل فطيمـه
من اول شبتـي واول صبايـه
ولا وصـل لتنزيـه الكريمـه
ولكـن المحبـه مـن شقايـه
وطال الشمل ما لمت حزيمـه
ولا وافـي نبـا مـى نبـايـه
قضى الديان دينه من غريمـه
وانا يا مي مـا جانـي وفايـه
وسامح راعي الزله خصيمـه
وانا يا مي عندك وايش خطايه
لكنك بالبلا اللي بـي غشيمـه
ولا عنـدك بهيماتـي درايـه
ولا انت من تلافـي مستليمـه
ولا ني منك سالم من عنايـه
علامك بالجفا دوبـك مقيمـه
وعودك ما يلين من اعتوايـه
من التعليل حسبـي والظليمـه
ومن طول الهجر بسي كفايـه
وبسي يا عزول ضـاع تيمـه
على مـاذا ملامـك والليايـه
وكسرا في ما هـم السليمـه
وخالي البال ما همـه قضايـه
تلاوم بالهوى من وقف سيمـه
بـلاك الله يـا عـاذل بذايـه
وراواك الهوى شـدة جحيمـه
وشاعت بك من الطوفان مايه
وحلت منه بجنـودك هزيمـه
ولا لك رفرفـت بالعـز رايـه
ألا يـا لله يـا منجـي كليمـه
عسى ما ينقطع منهـا رجايـه
دعيتك حيث في الدعوة العظيمه
لغـي الله مـا تنفـع شكايـه
صلاة الله مـا هجـت هميمـه
وما تليت مـن القـرآن آيـه
على من به نعم فازت حليمـه
وخير الخلق من عاياك عايـه

الشاعر محمد الفيحاني وغناها يوسف محمد

ربي يعطيك العافية القصيدة الجميلة
طبعا مثل مقلت غناها الفنان القدير يوسف محمد

شاكر مرورك