يالحلو الحالي محلاك= يا احلى كل الحلوين
مافيه بالدنيا حلياك= الا مع الحور العين
نورك من خلف الشباك =يجهر مثل الاكسجين
وشلون اميز بهاك=وانا اغمض لا تعمين
الله يا سيدي يحماك= من عيون الحاسدين
يسعدني عزك وارضاك=يفرحني لو مالي شين
انا عايش في ذكراك = خيالك دوم يبارين
ابدا ما والله انساك = حتى ولو غبت سنين
واحب سيتك وحسناك = مهما صرت من القاسين
شلت وصاتك لاجل ارضاك =ماانسى يوم انت توصين
اقصى مالي قلبي هاك = خذ قلبي وامش بقلبين
مملوك وبأيد الملاك = تبعدني والا تدنين
الله يامرك وينهاك= يهديك الله قل امين
بأجمل زين الله سواك = صنعة رب العالمين
كن اسنانك بين اشفاك =لؤلؤ مصفوفٍ صفين
والموت بمقرن حجاك= يذبح ذبح بلا سكين
اخير روحي تفداك= يا روحي يا نور العين
انا احبك وانا اهواك = تبغضني والا تغلين
الثلاثاء 14 سبتمبر - 7:37 من طرف عبدالله العجمي 2020
موضوع: يالحلو الحالي محلاك 
