انبيك يامن هو عـن الحـال نشـاد
شف دوك قلبي من محانيـه مفقـود
مشيـت بـدروبٍ عتيقـات وجـداد
ولقيت بيبـان المـوده بهـن كـود
دخلتهن عقب العناء هـو والاجهـاد
وقبلي دخلهن ناظـم الـدرع داؤود
مابين حام وسام جور الهـوى سـاد
في كل قلبٍ شاغل الحـب ماجـود
كـلٍ علـى مـاراد صـادر ووراد
عـدٍ لكـل الخلـق بيّـن ومـارود
الـود قـد هـدّا صليبـيـن الأولاد
البيض تشهد به وتشهد بـه السـود
لي فيه قرّر صافـي الخـد ميعـاد
ودخلت ماميزت للنقـص والـزود
صادفت ملهوف الحشا ظبي الأجراد
طفلٍ عليه من البهـا ستـر وعقـود
طفلٍ نفل بالزين غضـات الأنهـاد
به سحر هاروتٍ وماروت منضـود
له قلت راع لحالتي يابـن الأجـواد
ارفق على قلبٍ من الحب مضهـود
لجلج بسودٍ طرفهـن للحشـا جـاد
وادي فؤادي عقبهن تقـل مجـرود
وخلاني اجرع بالهوى كـل ماكـاد
كني بوسط الموج تلعب بـي النـود
ونيت من كود العنـا عقـب ماكـاد
ونة خالوجـيٍ علـى جلـد مفـرود
ماينفـع العشـاق ترديـد الأوجـاد
ان شاف من غاليه ميلات وصـدود
من عقب فقده حاربت عينـي الـزاد
وعيني لها عن لذة النـوم راصـود
بغيت اجيب اسمه على روس الأشهاد
لولاه يلحقني مـن النـاس منقـود
انا ونفسـي عقـب فرقـاه بجهـاد
واغضي وكن بناضري يرتكز عود
صبرت واثر الصبر يرّث بالاكبـاد
وخلا فؤادي خافـق القلـب ملهـود
فرقا لطيف الـروح لاعـاد لاعـاد
القلب من فرقاه يرعـى بـه الـدود
يازبن قلبي فيه جـور الهـوى زاد
كنه بما جاء قيس يازبـن موعـود
من غـاب عنـي ماتهنيـت برقـاد
قلبي لقلب مغيـزل العيـن مشـدود
يمشي معه يازبن فـي كـل مـاراد
ماله عن الغالي محاريف وصـدود
لو ان قلبي من صليب الصخر بـاد
ومن المحبه صار به كسـر ولهـود
يازبن شفت الكود من جور الأنكـاد
وحبٍ دخلت احماه حبٍ بـلا حـدود
الله يذكـر مـن فقدنـاه بـجمـاد
وانك تلـم الشمـل ياخيـر معبـود[/color]
الثلاثاء 14 سبتمبر - 7:37 من طرف عبدالله العجمي 2020
موضوع: انبيك يامن هو عـن الحـال نشـاد 
