ياصاحبي هانت عليـك المحبـه

ياصاحبي هانت عليـك المحبـه لاوحسايف عقب هاك المواثيـق

جمر الغضا في وسط قلبي تشبه نارٍ حطبهـا يابسـات المعاليـق

كـاسٍ مليتـه بالوفـا لاتكـبـه خلّه يبلل بالوصل يابس الريـق

صبّه بقلبـي ثـم ملّـه وصبّـه وان كان ودك غرق القلب تغريق

دام الهوى راسي وراسك يهبـه خذ سجّةٍ ترى زمانـك توافيـق

ترى حلاة العمر مع مـن تحبـه شخص تريد من جميع المخاليـق

المهل ساعة عسى البسمة تـدوم

ظامي(ن) للحب من يومك أصوم

بلّـل القـاع اليبّـاس الميّـتـه

إحيها من ديـم هتّـان الغيـوم

أقرب أضمـك بجنحـان الهـوى

أقرب أورّيك رقصـات النجـوم

وخلّنـي ألفّـك بطيـف الشعـاع

فوق مزن(ن) بالهوى دايم تحوم

ألمس بكفـك مواجيـع الهـوى

واطرد من القلب وخزات الهموم

بيني وبينك من العشـق اجملـه

أطعمْ واشهى من طيوف الحلوم

استضافتنـا الّلـيـال العاشـقـة

اشعل الضيّان واصحى لا تنـوم

لا تفوّت فرحة العمـر القصيـر

الغثا متوفر(ن) فـي كـل يـوم

تعال أسهر معك يا اسمر عشيّه تعال أسلي خاطرك يا عيونـي

تهن وخل عينـي بـك هنيّـه أنـا ويـاك والدنيـا تـهـون

تـرى الدنيـا لياليهـا شقيّـه حذاري تستبـد بـك الظنـون

نويت وكـل قلـب فيـه نيـه على اني لك وفي روحي تمون

هواك بخاطري سـوا سويـه تركني بين أياديك معنـون

غرتنـي الأيـام باقبالهـا يـوم

اثر النكوفه عنـد الأيـام عجلـه

جتني لياليها علـى دف ونغـوم

اثـر الليالـي بالغرابيـل جزلـه

فرحة نهارٍ عقبها ليـل وهمـوم

من يوم جذ البعد محبوب وصلـه

فرقا الضحا تسهل على باقي القوم

لاكن على الخلان ما هيب سهلـة

ما همني بعد المسافـات معلـوم

لاشك بعد القـرب للصـب قتلـه

راع الهوى من راحة البال محروم

قربه وبعده نار مـا ينعـرف لـه

عز الله اني في ضبي نجد مغروم

راعي العيون اللي مع الزين خجله

من حبهم كني من الحب مظلـوم

ونفسي عليهم يا هل العرف وجله

كوافيره الانتساب : 17/07/2009 المشاركات : 468

هلّـي علـى خدانهـا ياسحابـه هلّي عليها لين ينبت بها الـورد على محلّه لين يخضـر جنابـه وافرح بشوفه فرحة مالهـا حـد خل سقاني في الهوى من شرابه ماصد لي جاني والى جيت ماصد عـزاه ياقلـب تزايـد عـذابـه على الذي حبّـه بقلبـي تجـدد اللي رماني باربع مـن حرابـه ثنتين من عينه وثنتيـن بالخـد ياعمري اللـي راح لا واسفابـه وين الرفيق اللي عليه ابدي السد

العين رفرف جفنها من عناها

و القلب جظ اوماج و الجل ساجت

والصدر ظاق اوعبرتي ما قوها

و الوجد زاد اودمعت العين هاجت

على الذي زود إبكيدي ظُماها

اللي له النفس العزيزه تلاجت

مانساه دام الريح يذري هواها

حي إجروحه بالمعاليق لاجت

روحي إمن اسبابه تدانت إخطاها

ولا الغيره وطيت الرجل داجت

عليه عيني نثرت كل ماها

اوروحي اوروحه بالموده تناجت

أبعد اوحالي جُور حبّه براها

واوجست انا دنياي يا عمير ماجت

تغطلست ما عاد اميز سماها

اوكثر الهموم إلخافق القلب فاجت

قصائد روووعه مشكورين على النقل

العفو وشاكره مروركم

» ياصاحبي هانت عليك المحبه
» ياصاحبي راح املنا وصفوة النيه
» ياصاحبي هـذا النهـار المبـارك
» ياصاحبي لاتقول طول غيابة الحي يوصل لو تطول المغيبه