عشقت القمر حيث القمر ينبعث به نور

عشقت القمر حيث القمر ينبعث به نور000وأخص الليالي البيض تزهاه ويزهنـه

وأحب الهوى لاهب من خايعٍ ممطـور00000وريح النفل حيث النفـل طيـب الخنـه

وأحب الجمالة والجمالة عمـل مبـرور0000وأحب الغناه واعز نفسي عـن المنـه

وأحب الصراحة والصراحة بها مسرور000حيث ان الصراحة تقطع الشك والظنـه

وأحب الكريم اللي يفرج عن المعسـور000اللي من عطى حتى اهله مادروا عنـه

وأحب الرجال العارفة وأكره المغـرور0000من اغتر في بعض المظاهـر يغرنـه

سقا الله ليالٍ ماضية قبل هـدم السـور0000نحفر العدود ونشرب الماء مـن الشنـه

نشوف البنات اللي اوردن كنهن الحور0000مهـارٍ مشاويلـن بالأعيـاد معتـنـه

على الماء تشوف بيوتهم كنهن القـور0000كثيـر القبايـل تقطـن العـد بالكنـه

على البال ذكراها ياليت الليالـي ادور0000ياليـت الليالـي ماخـذنـه يجيبـنـه

تذكرت شيبانٍ لنـا يـوم حنـا بـزور000000يحثوننا بالطيـب والفـرض والسنـه

لو عاشوا حياةٍ قاسية في بحر وبـرور000عسى الله يعوضهم بمـا فـات بالجنـه

لو دورٍ مضى من بينهم وين ذاك الدور000زمانٍ مضى لـه ذكريـاتٍ ....يحلنـه

يوم الذهب مايلبسونه بـدون خصـور000وجمال النسا ماهو من السوق يشرنـه

فقدنا حياة البدو مع شوفـة المظهـور000ولا عاد به بدو ولا الطرش لـه حنـه

تسلم يمينك يامحبوبة الوادي على الطرح

محبوبة الوادي .. اختيار جميل وموفق لرائعة شاعر السور
الله يرحم سليمان الهويدي .. ويرحم اموات المسلمين ..
كان ابو صالح .. مدرسة من مدارس الشعر ..
الله يعطيك العافية ..
كلي لك ....

صح الـــانك يامحبوبة على الابيات الجميلة والرائعه: ودايماً متفوقه

في اختياار القصائد

اخووووكم

خيااال الشرفا

من اجمل القصايد