يافهد من يسهـر الليـل مالومـه

يافهد من يسهـر الليـل مالومـه كان نار الشوق فـي خافقـه زاده
لو تشوفه ضايقـن عايفـن نومـه دام هجران العذارى غـدى عـاده
تطعنك في نظرتن تقـل مسمومـه ثم شدت مركـب الهجـر بشـداده
وجمر نار العشق بالقلب معلومـه تطرده عن راحة الفرش ووسـاده
لين يترك لاجلهـا كـل مطعومـه ولو شكى جرحه على الناس مافاده
الخفاجي يملك اللـي ورى الدومـه شاف ميثاء وانقطع سلـك عـداده
عقب حكمه صارت الروح محكومه مجرمن يشكي تحت سـوط جـلاده
اولن نضحك على العشق وعلومـه لانظـرت اهـل المحبـه بملبـاده
لين شفت اللي كما البدر ونجومـه حط روحي جمرتـن عنـد حـداده
عنق ريمن تتلي العشب ووسومـه تحت غيمن يطرب القلـب رعـاده
في مسيلن حولها الجال ورجومـه تزبنه كـان الهـوى لاع صيـاده
منوة اللي شاف الامطـار بحلومـه يرتحل مع ذكر الامطـار بـاذواده
الخزامى تجذب الشـوف بحزومـه الهواجس ماتجـي قلـب مرتـاده
مامشى زينه مع الفرس مع رومـه مع ديار الهنـد والسنـد واكـراده
رمش عينه شاتني من ورى الحومه ثـم زادت شوتـة القلـب بعنـاده
عندلـن رويانـة العـود مبرومـه من دعتني راحت الـروح وانقـاده
والردايف من حلا الحال مزمومـه غار منها روس الاقـوام واسيـاده
كنها من ضامر البطـن مقسومـه اشهد انه مـوت روحـي وميـلاده
كنت اريد النار بالجـوف مكتومـه لين نلقى من هل الطيـب مجـواده
بس بانت مثل ابانـات وخشومـه من غدت نـار المعاليـق وقـاده
خطته في ذبـح الارواح مرسومـه تبتدي من طـرد نومـه ومرقـاده
ثم يعلن في جميع المـلا صومـه مع سهر عينه جفى الكبد عن زاده
لين ترمي خافق القلـب بهمومـه مثل زرع الصيـف لاجـاه جـداده
والشهاده تعلن المـوت مختومـه وصعب يصدر خافقن ذاق ميـراده
مثل مطلوبن على الثار من قومـه دايمـن ينقـل سلاحـه ومجنـاده
لازعلت امسـح قوافيـه ورقومـه نصف ساعه واطلب الزين ميعـاده
داخلن وسط البحر جاهلـن عومـه ومقعد اللي يجهل العـوم بحفـاده
لاجل هذا ساهـر الليـل مالومـه كان هجران العذارى غـدى عـاده

يسلموووووو نجمة الشوق