سجل حضورك ببيت من الشعر

وش ذكرك فيني عقب ماانت صديت
وهجرتني عقب السنين الطويله
خليتني هايم بدنياي وابطيت
وحرمتني فرحة ليالي الجميله
من عقبها ياصاحبي وش سويت
خليت قلبي كل همن يشيله
من اولن حطيت لك بالحشا بيت
دايم تواصلني بيومن وليله
وتقول لي مغرم وانا بروحي افديت
وش غيرك وش جاك ياابوجديله

البارحه ساهرن ما غمضت عيني
ما غير اطالع سما ربي مع نجومه
احاول ارقد و نوم الناس ما يجيني
هني منهو تهنا و اهتنا نومه
اسباب خلي بسهم الحب كاويني
خلي كواني ونا ما تحمل سهومه
يا صاحبي يا بعد كل المزاييني
ما ترحم ألي من اجلك كثرث همومه
القلب مجروح يالمجمول جرحيني
قلبن تولع معك يا زين ما ألومه
يا عود موز نعم وسط البساتيني
والعين عين اشقر في راس مرجومه
لعبتبي لعب ماجد لعبت الصيني
لخبط دفاع الفريق وضيع علومه
شبكتني شبك صياد الشياهيني
محبتك في الحشا يا زين مرسومه
والله منساك يا سيد المحبيني
عشرتك يا صاحبي بالقلب مختومه
تمت عسى ربي بشوفك يهنيني
و ابن آدم عايش ومكتوب له يومه

‎عبدالمجيد ابوك هايم ومشتاق
‎مشتاقلك يانور عيني ودنياي
‎قلبي وربي بعدك أيام ما طاق
‎يازينة أفراحي وعمرى ورجواي
‎صورتك قدامي ودمعي بالأحداق
‎أحسك تناديني وأنا أجاوبك جاي
‎أنت تعاني من عنا حر الافراق
‎وأنا خفوقي يرتجف شوق يا مناي
‎يازينة الدنيا سما الكون بي ضاق
‎بعدك عذابي وقربك الضحك لشفاي
‎لجنونك ولعبك وضحكاتك أشتاق
‎يا مجلي همومي وضيقات دنياي

العين تالي حاربتني عن النوم
ذا لي ثلاث أيام ما نيب مرتاح
والزاد ما ذوقه وأنا منْه محروم
جسمي نحل غادي كما سن مفتاح
والبال شِتّت ما بقى منه ملموم
دايم على بحر الهواجيس سبّاح
من صاحبٍ في وقتنا اليوم معدوم
ربي عطاه الزين من بد الأرواح
ما غير أعد بنايف الجال مرجوم
أشرف على اللي راح عني ولا راح
اللي خياله داخل القلب مرسوم
يطري علي في كل ممسى ومصباح
إن شفت زوله فاض ما كان مكتوم
واللي على صدري من الضيق ينزاح
وإن غاب عني طول الأيام مهموم
محدٍ بداريبي ولو صحت بصياح
أبشهد إن حبه على القلب مسموم
سمٍ يخلي بسرت القلب تنساح
من صد ما جاني من علومه علوم
غابت سنى قمراه من عقب الأوضاح
قلبي على فرقى أريش العين مصروم
شذب عروقه لين ما فيه ينباح
راع الهوى المجبور ما يلحقه لوم
لا صار في حب المزايين مشفاح
إما تجيني نظرةٍ منْه ملزوم
وإلا لحقني تالي الوقت مذباح
وصلاة ربي عن خطأ الخلق معصوم
على النبي للدين مبدأ وميضاح

لا تذكرني بحبك يا غناتي ولا تذكرني بماضيك الجميل
في صدى ذكراك بقزر حياتي مستحيل احب غيرك مستحيل
انت عمرى وانت اغلى ذكرياتي وانت في قلبي ولا غيرك خليل
انت عيني لي بها شفت البهاتي وانت لي في مقلة عيوني نزيل
لو تقضى عمرنا الوردي وفاتي وانقضى وانزاح شروى حلم ليل
تصبح الاطلال في فكري وذاتي في الضمير اتعيش لا يمكن تحيل
كم تذكرتي السنين الماضياتي لي تلاقينا بساعات الاصيل
كم على ذكراك هليت عبراتي وانت عني يا منى عمرى ذهيل
صار عمري حزن وايامي حسراتي والفرح من دنيتي شد الرحيل
كنت محبوبي واغلى امنياتي صرت فجاه يالغلا عني دخيل
حسبي الله عالذي سبب شقاتي لي سقاني المر عقب السلسبيل
اللي بعد مجراك عن مجرى حياتي وافرقك عني بعد عمر طويل
يا حبيب الروح بكتبلك وصاتي ان غديت اليوم في حبك قتيل
نشدك بالله لي طفت برفاتيلات خلي دمعة عيونك تسيل

حبكم غصن تورق في حشاي من شراييني غدا هو منبعه
لا تمادى يا حبيبي في جفاي صدكم والبعد قلبي يوجعه
لو تشوف العين تحكي عن عناي ناظري ما يوم وقت مدمعه

هام قلبي في هواكـم وانجبـر
صدقوني كيف اسلا ما يصيـر
يا حبيبي من مصابي في خطر
وارحم اللي صار في حبك أسير

لو الغلا يزرع كما زرع بستان
يكون زرعك في فؤادي مكانه
أحط لك غصن تميٌز بالألوان
مافيه مثله مختلف في زمانه
غصن خضر للحب بصمة وعنوان
أعطيه من روحي وأكثر حنانه
أسقيه من دم الشرايين فنجان
وبيني وبينه بالمحبة ميانه

بشر عسى اخبارك تغيض المعادين
وعسى السعاده ماتفارق شفاتـك
جعل الكدر يجفاك من بد المخاليق
وعسى الفرح وياك لأخر مطافـك

يبقى الغلا ما بيننا والمشاريه
والشرهه اللي بالخواطر تروحي
كلن يعاتب بعض الاحيان غاليه
والحب يبقى فوق كل الجروحي
الحب لوشانت علينا لياليه
نصبر وبسرالغلا مانبوحي
طبع الوفا بيننا مانخليه
يسري بروحك مثل ماهو بروحي

سقى الله سنياتٍ مضت لي وانا بزر = وانا جاهل درب الهوى ما عرف لونه
وانا دمع عيني كل ما هل من شهر = هماليل واغظي عن هلي لا يشوفونه
وعينٍ تهل دموع وعينٍ دمٍ حمر = وتزغر كما عدٍّ هل المال يردونه
أنا حالف ما انساك يا هايف الخصر = ولو كان قبري قاعة الحيد يطوونه

---

هيمان يالمحبوب هيمان
الهون لو اتثيبون بيهون
باعيد وبعلق اعلان
لو مرة حولي اتمرون
ون شفتكم باقول حلمان
ما ابغي فسر حلمي ولا عون

قلب الخطأ مطاعني لونهيتة ؟ مأخوذ ما يسمع رفيع التصاويت
والعين تذرف والصبر ماقوية؟ باح الذي ماكان بصدر كنيت
على حبيب باعني وشتريتة؟ اللي ملكني بالمودة وذ ليت
ليته يعاتبني وأشوف وش جنيتة؟ آما حكمني آو حكمته وقريت

ماغير اسلي خاطري بالمشاوير
اروح وارجع والهواجس مقيمه
ياحبي اللي بين بيض الغنادير
لك في عروش القلب قدر وقيمه
ان كان صدك ماخذك عني لغير
روّح ولو ان الخساير وخيمه
وان كانها عني خذتك المقادير
فالعفو عند المقدره فيه شيمه
يامرحبا والحب كله معاذير
تشفع لك ايام الغرام القديمه

ياصاحبي من عقبك البال منحاس
أصفق كف بكف وأشكي من البـين
لاتحسب ان الصد والهجر نوماس
ترى الخطا مدموح من بين المحبين
واسقيتني مُـر العذابين بالكاس

مشاعري يا شوق يمّك جــــرت بـــي
من مرهـف إحساسي بيوتٍ رقيقـــة
أحنّ وأشواق الغــرام اعصـــفت بــي
وقلبي فراقك ساعـةٍ ما يطيقـــــه
محبتك يا روح روحي سطــت بـــــي

فرقاج طول و همومي هماليل
و العين تبكي من خفوقن نساها
و اذوق انا المر في تالي الليل
و اقول انا عيني وش اللي دهاها
كني اشوف الحور ركب على خيل
انتي و طيفج و ظلالج معاها

ليلي ويومي سارحا بين الاوراق ليت الرسايل والصور صبورني
ان كنت لازم للوعد شمس واشراق عيني وقلبي للوعد كذبوني
ليلي ويومي سارح بين الاوراق ليت الرسايل والصور صبورني
وان كنت اشوفك قبل ما اذوق الافراق والا تدمر شمس حبك بدوني
يا من صدى صوتا ينادي بالاعماق حرام تتجاهل تراك في شجوني
لاعاد لي روحة ولا الصبر ينطاق مدري متى تسعد بشوفك عيوني