مجموعة من قصايد المرحوم سليمان الهويدي

][][^][][الشاعر سليمان الهويدي][][^][][



القمر غير النجوم





الزين بينـة رسـوم يـا علـي
وأن القمر غير النجوم اللي معه
والخيل اعرف اصيلها من تقبلي
واعرف عفري الظبا من مدمعه
والبيض شاسع فرقهن لا تسألي
الزين يوهبـه الكريـم ويمنعـه
الزين حلـو دايـم دلـه حلـى
اللذ من طش السحـاب ابمنقـه
والشين شين الله يعيـن المبتلـي
أن قابلك تفرح متـى الله يقلعـه
وجدي على نجل العيون لاكحلي
النفس بـه مجبـورة ومولعـه
راعي ثمـان مرهفـات ذبلـي
بيض تلالا حدر طرقـه برقعـه
غضن من الجنس اللطيف مكملي
الله واكبر يا جماله مـا اروعـه
زينة بـلا مكيـاج وبليـا حلـي
زيـن طبيعـي ولا يستصنعـه
احلى من العفري تهايا واجملـي
النور بطخمته وسلبـه مفرعـه
وأن هج مع صيد الخلا ما يجلفي
مهو بعيد أن الجـوازي تتبعـه
والله ما عنك خفيـة يـا علـي
من يوم كلمته وانا قلبـي معـه





الله من الدنيا





الله مـن دنيـا لدنيـا رمتنـي
دنيا معاليق الفـوؤاد احرقتهـا
امشي لها طوع ولا طاوعتنـي
صبرت ماني عارف شاخرتهـا
لا قلت ابرفع مستواي اخفضتني
وليا صفت لي ساعـة كدرتهـا
ودي اصارحها ولا صارحتنـى
الـم شوفاتـي وهـي فرقتهـا
من عقب ماني صامد بهذلتنـي
وكل الرموز الخافيات اعرفتها
ياقـل حياتـي بهـا وامحتنـي
واعذاري اللـي تنطـق شتتهـا
ما هي بعيد متنها حـول منتـي
لو نهتني باقصى حشاي اسمعتها
تصيبنـي غشـوات لا قابلتنـي
وإن دنقـت بقذيلتـن وافهقتهـا
الله اكبـر كنـهـا مالكتـنـي
تفرنـي كفـرهـا لمنظرتـهـا
أو خاتم في اصبعهـا لاعبتنـي
أن مت تتحمل خطاي ارقبتهـا
لا شتد غيظي يمهـا حايلتنـي
وكل الدموع الاولات امسحتهـا
بلعون فايقة الجمـال اخلجتنـي
واعمري اللي ضاع على بختها






صاحبي لو طال وقتي مانسيته





صاحبي لو طال وقتى مـا نسيتـه
من يقول أنسى حبيب مـا نسانـي
صار لي أكثر من شهر ما عاد جيته
والبطى والبعد ما من فيـه امانـى
ما هقيت انـا نتفـرق مـا هقيتـه
أولا هقيت أنـه يغيرنـا الزمانـى
اتذكـر سـاعـة فيـهـا لقيـتـه
وأتذكر بـرد مـاه اللـى عطانـى
واتذكـر وقفتـي بشبـاك بيـتـه
خاطرى ما طاب من ذاك المكانـى
عفت زين البيض جمله مـا بغيتـه
مـا بقلبـي غيـر ذاك المودمـان
لـو يقربـه البكـاء والله بكيـتـه
من خبر حي بكى لـه حـي ثانـى
ليت كلمـة ليـت تنفعنـي ياليتـه
عاذلـى مـن أولـه ليتـه نهانـى
حملوني عـداى ذنـب مـا جنيتـه
وقولوني قـول مـا قالـه لسانـى
والكـلام اللـي اموجهلـي نفيتـه
ماعلينا مـن فـلان ومـن فلانـى






عشقت القمر





عشقت القمر حيث القمر ينبعث به نـور
واخص الليالي البيض تزهـاه ويزهنـه
واحب الهوى لاهب من خايع ممطـور
وريح النفل حيث النفـل طيـب الخنـه
واحب الجمالة والجمالة عمـل مبـروك
واحب الغناه وعز نفسـي عـن المنـه
واحب الصراحة والصراحة بها مسرور
حيث أن الصراحة تقطع الشك والظنـه
واحب الكريمه اللي يفرج عن المعسور
اليا من عطى حتى اهله مـا دروا عنـه
احب الرجال العارفه واكره المغـرور
من اغتر في بعـض المظاهـر يغرنـه
سقا الله ليال ماضية قبل هـدم السـور
نحفر العدود ونشرب الماء مـن الشنـه
نشوف البنات اليا اوردن كنهـم الحـور
مهـار مشاويلـن بالاعـيـاد معتـنـه
على الماء تشوف بيوتهم كنهـن القـور
كثيـر القبايـل تقطـن العـد بالكـنـه
على البال ذكراها ياليـت الليالـي دور
ياليـت الليالـي مـا خذنـه يجيبـنـه
تذكرت شيبـان لنـا يـوم حنـا بـزور
يحثوننـا بالطيـب والفـرض والسنـة
لو عاشوا حياة قاسية في بحر وبـرور
عسى الله يعوضهم بمـا فـات بالجنـة
لو دورن مضى من بينهم وين ذاك الدور
زمـان مضـى لـه ذكريـات يحلنـه
يوم الذهب ما يلبسونه بـدون خصـور
جمال النسا ما هو من السـوق يشرنـه
فقدنا حياة البدو مـع شوفـة المظهـور
ولا عاد به بدو ولا الطـرش لـه حنـه





ليت من يدري





ليت من يدري عن الزين وشلونه
فاقده من مـدة أيـام مـا جانـي
طمنونـي عنـه ياللـي تمرونـه
جعل سيد البيض ما هو بمرضاني
أن نشد يا بعـد عيونـي عيونـه
خبروه انـه بـلا قلـب خلانـي
خبروه اني اقاسي مـن طعونـه
لا تساوي الجرح الأول ظهر ثاني
وإن سكت علامة الغيظ مظمونـه
شوف منهو حاكيلـه وزعلانـي
فيه نـاس طبعهـم مـا يخلونـه
حاظرين للفتنـة فـلان وفلانـي
والحكي لو هو شويـه يزيدونـه
يدعون أصحاب لا شك عـدوان

صح لسانك على هذه الابيات

مشكور فعلن روعه

اشكركم على المرور وانما هذا جزء نقدمه لمنتيات الفنان بدر الغريب والشاعر سليمان الهويدي

شكرا رحال الجنوب